Россе турпалаш болча ГӀалгӀайчен къонгий цӀераш яьхар Бочаров Вячеслава
Тайп-тайпарча ханашка деналца, майралца белгалбоалаш лаьттача гӀалгӀай къаман турпалхоех дийцар «ХӀарма» яхача кхетаче Россе турпал, РФ Юкъарча палатан секретара хьалхара гӀонча волча Бочаров Вячеслава. Цо белгалдир, вай республика массахана цӀихеза турпалхой кхебеш хиннилга, цӀи яьккхар гӀалгӀа-лётчик Осканаькъан Сулумбик юкъе волаш хиннача эггара хьалхарча турпалий.
РФ эггара хьалхара турпал хилар цох 1992-ча шера дуккхача наьха моаршо бахьан долаш, ший са ца кходеш, доагаш латта фецара кема юрта лакхера дӀаходига. Бочарова хьохадир, гӀалгӀай къаман къонгаша боккхача тӀема юкъе доккха дакъа лаьцалга. Дагалаьцар, 1995-ча шера Россе турпалаш яха цӀи енна, моастагӀа вохавеш майра духьаллаьтта лётчикаш - Оздой Мурад, Малсаганаькъан Ахьмад, Къоастой Ширвани. ТӀехьено тӀехьенга телаш дувцаргда; цу наха гойтача деналах, майралах. Тахан ураэтта къонгаш а иштта, хьалха хиннарий ларах дӀаболхаш ба, къаман сийле йоаккхаш. Бочарова хьоахавир, 2022-ча шера тӀема операцен юкъе вахар хаьда, РФ Турпал аьнна цӀи енна, экс-президента Евкурнаькъан Юнус-Бека йиший-воӀ Хамхой Адам.
«Къаман юкъе чӀоагӀденнача тӀема Ӏадаташа бовзийт Даьхен сийдола къонгаш», - аьлар Бочарова кхетаче дакъа лоацаш хиннача боккхийбарашта, иштта Россе кхыйолча моттигашкара кхаьчарашта баркал оалаш.
