ГӀалгӀайче чувоаллача латтаргйолча гӀишлон сурт белгалдаьд
03.11.2023 19:02
ГӀалгӀай столицан мэре яхь дӀахьош, къоастадир шахьаре чувоаллача латтаргйолча гӀишлон сурт. Из кхеллар я Мержой Хьава. Къаьстта цун балха тIехьа дукхагӀа кхадж тессар яхье хиннача кхелахоша, яхаш, дийцар «Сердало» газетага доал деча даькъ тӀарча зарбан болх лелабераша.
«Магас-Шахьара администраце раьза болаш тӀаийцар, Мержой Хьавас дилла шахьаре чувоаллача латтаргйолча гӀишлон сурт. Цу яхьа кхелахошта геттара дика хийтар къаьстта из болх. Иштта лакха мах бир Мержой Хьавай проекта искусствай, архитектуран даькъ тӀарча говзанчаша», - аьлар тхога хоам баьчо.
