ТӀема доакъашхошта лаьрхӀа, сеткаш кийчдеш ба къона эскархой
01.08.2024 00:24
Донбассерча тӀема операцен юкъе дакъа лоацаш болча вай бӀухошта, тӀема аренашка эшаш дола сеткаш кийчде мехкара «Къаман фронт» яхача моттиге гулбелар Наьсарерча № 6 йолча ишкола дешархой.
Боккхийчарна гӀо деш, тӀема доакъашхой оагӀув хьаллаца, аьнна, царна чӀоагӀа ловш гӀулакх да из, яхаш, белгалдир дешареи Ӏилмани гӀулакхех йолча министерствос.
«Хьулавеш дола сеткаш кастта тӀема доакъашхой болча Ӏокхоачаргда. ТӀема машинаш,иштта кхыдола гӀирсаш моастагӀчо зувргдоацаш, тӀатовса эшаш да сеткаш. Цар чӀоагӀа гӀо ду вай бӀухошта тӀема юкъе», - йоах тхога кхаьчача хоамо.
Царна юкъерча цхьан къонача эскархочо белгалдаьча беса, сетка хьабеш боахкараша баь хӀара шод бӀухошцарча безамах, лерхӀамах, царна гӀо де ловш хиларах бизза ба.
