Къона футболисташ «ЦхьоагӀон кубок» яхача яхьашка кийчлуш ба
14.10.2023 23:47
ГӀалгӀайчен «Ангушт» яхача республикан берий футбола тоабан юкъера ондаргаш кийчлуш ба, «ЦхьоагӀон кубок» яхача турнире дакъа лаца, из дӀахьоргья ардара бетта 31 дийнахьа Севастополе. ХӀанз укх сахьате бераш тренера ГӀазданаькъан Илеза беча хьехамах кийчлуш да хьатӀайоагӀача яхьашка, шоашта могар де лаьрхӀа а ба, коталон совгӀаташ дахьаш цIаберзара.
«Цу командо хьалхагӀа а толам баьккхабар 2012 шера баь, спортивни ишколашка Ӏомалуш болчарна юкъе, Романцев О. И. совгӀат даккхара дӀахьош хиннача Ерригроссе футболах болча къовсаме. Из болх дӀабихьар маьцхали бетта Новороссийск яхача шахьаре», - аьлар «Сердало» газетага ГӀалгӀайчен спорта министерстве.
Ала деза, 2018-ча шера ГӀалгӀайчен къона футболисташ баха хилар Севастополе. Цу хана футбола яхьашка дошо мейдилгаш яьхар цар. Из котало яьккхар, цар тренер волча ГӀазданаькъан Имама цу берашца дика къахьегарах. ГIазданаькъан Илези Имами ши воша ва, шаккха тренераш а ба.
