МагӀалбика къона ашархой дакъа лоацаш хургба, йоккхача кхоллама яхьашка
13.10.2023 10:33
МагӀалбик-Шахьара берий ашарий ишколан дешархой кийчлуш ба, «НачӀал дарашта- никъ» яхача халкъашта юкъерча кхоллама яхьага. Из дӀахьоргья Шолжа-ГӀалий тӀа, иштта шоашта фу карагӀдоал хьажа безам болаш ба уж Наьсаре дӀаяхьа лерхӀача «Дошо аьрзи» яхача Халкъашта юкъерча фестивале-яхье а. Цунах дийцар ГӀалгӀайчен культуран министерстве.
«Хургйолча культуран кхетаченаша таро лургья, шоашта ховр дIадовзийта, иштта кхоллама, кийчо яра оагӀошкахьара дегӀабахка.
Ашарий ишколе фортепиано Iомабеча, эстрадно-джазови илли оалача берашка ладийгIар», - яхаш, хоам бир тхога.
Къонабараш тешаш ба шоай хьинарах, уж лаьрхIа ба кхоллама яхьашка шоаш дика дIагойта, толашагIа йола моттигаш яха.
