Магӏалбике дӏайихьар чоалханеча хьала духьала къовсам лоаттабеча комиссе кхетаче
Магӏалбик-Шахьара администраце кулгалхочо Галай Мусас комиссе заседани дӏайихьар, чоалхане хьал оттара кхерам хиларца болх беш, иштта цӏера кхерамзлен ӏалашо еш. Дийца керттера дош дар электроэнерги йолча моттигашка, вахара-коммунальни боахаме хьатӏайоагӏача гуйран-ӏан заман ӏалашо ярах. Кхетаче дӏахьош доакъашхоша техкар, шахьара еррига моттигаш шоай боарамах болх беш хургйола хаттараш. Керттера терко тӏаяхийтар электричествон, хин, йӏовхала ӏалашо яра, ара геттара шелал этта моттиг нийслой.
«Тароний ӏалашо лоаттае езача викалаша гойтар дӏабихьача тоадара балхах дола каьхаташ. Иштта дийцар дӏахо цу даькъ тӏара хьал тоадара де лерхӏачох, цул совгӏа белгалдир, нагахьа санна дагадоацаш чоалхане хьал этта моттиг нийслуш хуле, материальни а нахацара а хьал кхоачам болаш хилийтарах», - аьлар «Сердало» газетага Магӏалбик шахьара администраце зарбан болх лелабераша.
Комиссе кхетаче дӏахьош, белгалйир еррига лаьрхӏа йола кхетаченаш дӏаяхьара ханаш, иштта уж кхоачашъяра бехктокхаме нах.
