Шахьара моттигашка лостам беш хилар Илдарха-Гӏалий тӏара бахархой
16.03.2026 10:35
Вайна массанена боча, лоархӏаме дола мархий цӏай хьатӏадоагӏаш; кийчо еш ба Илдарха-Гӏалий тӏара бахархой. Къахьегама шоатта дӏадахьа вӏашагӏкхийттараш 100 гаргга саг вар.
«Бахархошта хьалхадоаккх, шоаш бахаш йолча моттига куц лорадар, хан-ханнахьа лостам беш хилар мел лоархӏаме да динца. Из беркате гӏулакх хьаллаца арабаьлар администраце, ФСИНа, «Хьалхарбарий болам» яхача оагӏон доакъашхой, шахьарера гӏазкхий, кагирхой кхел. 300 совгӏа гали нувхаш гулйир ӏаламах дог лазараша.
Шахьарерча керттерча ӏама гонахьара доазув цӏендеш къахьийгар цар», - дийцар тхога мэре. Шахьара дас Дидиганаькъан Ахьмада доккха баркал аьлар къахьегаш баьхкарашта.
