Президента белагалдир, ГӀалгӀайче хьалха я, нах дукхагӀа бахаш хилара дош теркалдича (79,4 шу), иштта бераш тӀакхетар (2023 шера хӀара 1000 сага тӀакхийттав 15,0). Уж толамаш дахара бахьан да, Президента массайолча оагӀорахьара мохк хьаллоацаш хилар; дезалца, берашца дувзаденнача дешашта даим теркам беш хилар.

ГӀалгӀайчен Кулгалхочо белгалдир, вахаре гӀо ду ахчаш далара Закон кхоачашдеш хиларца, мехка 45 801 дезала новкъостал деш хилар, цу дезалашка кхувш да 133 648 бер. Федеральни программаш, къаман проекташ хилар бахьан долаш, тӀехьарча 5 шера хьалъяьй 22 950 дешархочоа лаьрхӀа 37 ишкол; 9,5 эзар моттиг йола 49 берий беш, цо ший аргӀагӀа новкъостал дир 7 эзар балха моттиг хьакхолла.

2024 шера, дешар дегӀадоалара лаьрхӀа йолча программах, ГӀалгӀай мехка хьалъергья 2430 бера лаьрхӀа 5 юкъарча дешара ишкол, 220 моттиг хургйола цхьа берий беш.

Цу тайпара мехка ишколашкара моттигаш 75 867 яхача таьрахьага кхоачаргья, хӀаьта берий бешамашка – 17 664 моттигага.

Цунца цхьана дӀахьош да ишколашкара хьалаш тоадара гӀулакх: 29 ишкола тоаяь яьннай, 6 дешара моттиг тоаеш латт, иштта 2025 шера кхы а 5 ишкол тоае лерхӀ.

ГӀалгӀайчен Кулгалхочо баркал аьлар Россе президента, мехка цахаддаш терко лоаттаеш хиларах.