ГӀалгӀайчен Кулгалхочо баркал аьлар Путинá, шийна тешам баларах
Россе Президентаца Путин Владимирца видеоконференци дӀахьош, ГӀалгӀайчен Кулгалхочо Келаматанаькъан Махьмуд-Ӏаьлас баркал аьлар, шийна иштта тешам баларах, федеральни центро республикан новкъостал лоаттадарах, яхаш, дийцар «Сердало» газетага ГӀалгӀайчен Кулгалхочун зарбан болх лелабераша.
«Россе Президента, Паччахьалкхено даим хьаллоацаш хиларах, вай дика дегӀадоагӀаш да, керттера экономически хьокхамаш лакха долаш», - аьлар Келаматанаькъан Махьмуд-Ӏаьлас.
Цо иштта баркал аьлар вахарца дувзаденна гӀо деш хиларах Путин Владимира, из бахьан долаш ГӀалгӀайчен халкъа вахар тоалуш доагӀа. Махьмуд-Ӏаьлас белгалбир къаман проекташ юкъеяхара лоархӀам, уж бахьан долаш хьалъяьй итташ ишколаш, берий бешамаш, дарбанчеш, керда наькъаш, кхыйола вахара таронаш.
«Тхо кийча да из болх дӀабахьа, керда декхараш кхоачашде, Росси, ГӀалгӀайче дегӀакхувлара!» - аьлар мехка кулгалхочо.
ГӀалгӀайчен бахархоша, Путин Владимир хоржаш 80% наха кхадж тассаро хьагойт, республика федеральни центра тӀехьа хилар.
