«КарагӀдаьннарех» яха вай мехка орден елар Татарстана кулгалхочунна
29.05.2025 14:29
«КарагӀдаьннарех» яха орден елар вай мехкадас Келаматанаькъан Махьмуд-Ӏаьлас республике венача Татарстана кулгалхочунна Минниханов Рустама. Из хоам «Сердалога» бир Мехкадаь зарбан болх лелабераша.
«Республикан хӀама тоадеш, хьинаре къахьийгарашта луш да вайцига из паччахьалкхен совгӀат. Мехка гӀо деш, бувзам лелабеш волча Нургале Рустама из совгӀат доагӀаш да, аьнна, хет сона», - белгалдир вай мехкадас Келаматанаькъан Махьмуд-Ӏаьлас.
Из лакха, лоархӀаме совгӀат даларца даькъалавийцар республикан кулгалхочо Татрий мехкара хьаьша. Иштта; дӀахойодача хана а вӀаший барт, безам болаш; гӀо лоаттадеш, цхьана къахьегаш; никъ дӀабахьар шинна оагӀонна беркате хургдолга теркалдир Макшарипа Махьмуд-Ӏаьлас.
