РФ Президента 2023-ча шера хиннача хоржамех хьоахадир республикан кулгалхочо Парламентага даьча къамаьла юкъе:

«142 хоржама моттигашка, цу кхаь дийнахьа цхьаккха кхоачамбоацар нийсдаланзар. Наха цу лоархӀамеча гӀулакха юкъе дакъа лацар а лакхача боараме дӀадахар (87,43%). Путин Владимира тӀехьа шоай кхадж тессар 89, 61 % наха. Боккхача мехка хьалхаотта саг хоржаш дола гӀулакх боаггӀача боараме дӀачакхдалар наьха цу оагӀонцара кхетам лакхбалар, мехка политически вахаре уж дакъа лоацаш хилар да», - белгалдир вай Мехкадас.

Хоржамий моттигашка дӀахьоча балхах тийша болаш, боккхача мехкара лоархӀаме гӀулакх хьаллоацаш, из ма дарра кхетадеш ба республикера бахархой.