ЛоархIаме дола дакъа
ГIалгIайчен Кулгалхочо дийцар республика средств массови информаце болхлошца, юкъарлон болх дIахьош барашца лоархIаме декхараш
В важной встрече и в конструктивном диалоге с Главой РИ Махмудом-Али Калиматовым, в здании ГТРК «Ингушетия», участвовали депутаты, деятели профсоюзов, региональных отделений Всероссийского общественного движения «Матери России» и Общероссийской общественно-государственной организации «Союз женщин России», члены международного движения «Женский диалог», женсовета Ингушского госуниверситета, журналисты.
Келматанаькъан Махьмуд-Iаьлас белгалдир, гIалгIай кхалнах массаза а хиннаб наьна кхетам балара даькъа тIа цар доккха дакъа юкъедахьаш хиларах, искусстве, паччахьалкхен тайп-тайпарча моттигашка уж говзанчаш болаш хьабоагIаш хиларах, доалахьарча балха даькъа тIа уж белгалбоалаш хиларах- лоархIаш а, цар сийдеш а.
Республике, кхалнаьха бокъонаш лораяра, царна Iалашо яра йола терко тIаяхийтар цига.
Келматанаькъан Махьмуд-Iаьлас яхачох, цу наькъа тIа даима цар юридически боарам лакха хургболаш, из юкъебаккха ховш хургболаш массаханара болх дIахьош хила веза.
Келматанаькъан Махьмуд-Iаьлас тIахьийхар гIулакхаца а дешаца а республика кхалнах «Ингушетия» яхача гIирсаш тегаш йолча фабрике царна болх хилийтара дола хьалаш лаха, аьнна. Цига балха моттигаш я, бакъда, болхлой тоаш бац. Цига белгалдир, цу гIулакха тIаерзаяь йолча министерствашта декхар хьалхашка оттадаьдар, нах балха оттабара йола мероприяти дIаяхьара, бакъда, цу тIехьа карагIдаьннар кIезига да, аьлар цо дIахо.
Цу балха отташ волча сага луш дола балха хьалаш белгалдаьхад дуккхаза. Фабрике балха водаш вола саг мах боацаш дIа-юха кхувл, «Ингушетия», тIабувхабу гIирс тегаш йолча фабрико, юкъереи, лаьрххIаи дешара кхуврчашка багIарашта профориентаци ергья, иштта кхыдола хьалаш а да цига балха водача сага.
«Ингушетия» швейни фабрике балха отта ловш волчунна, хIанз укх сахьте, балха хьалаш Iалашду. Из кхалнаха дика алапи эца а дикача хьалашка болх бе а моттиг я.
Иштта кхетаче дIахьоча хана, ГIалгIай Республика Кулгалхочо аьлар мобилизацех лаьца лоархIаме дешаш.
«Вай кагийнах денал, майрал гойташ шоаш дIакхаьчача хилар хьагойт, царна деннача тIема совгIаташа. Бакъда, цига лийгараш а ба вай, уж цIаккха а баргбац цар ноаной, истий, берий дегашкара. Уж исторе оагIонна юкъебахаб, уж къаман турпалхой болаш хургба даима, даьхе бахьан долаш цар шоай са Iодиллар цIаккха а дицлургдац наха», — аьлар цо.
Келматанаькъан Махьмуд-Iаьлас иштта белгалдир, гIалгIай къаман даима а хиннад ший мохк лорабар, даьхе бахьан тIема мугIарашка оттар, бIухо хилар сийдолаш а лоархIаш а къаман юкъе.
Шоай дезал эсала боацаш, денал долаш кхебара тIакхувш хиннаб гIалгIай массаза а. Оамала а чIоагIа болаш, деналах а биза, гIулакха а кийча болаш Iомабаьб гIалгIай къонахий массаза.
«Укх атта йоацача хана, шун новкъостал чIоагIа эшаш да, вай декхар да-вай даьхе хьаллацар, вай даьй санна денал долаш вай хилар гойтар», — аьлар ГIалгIай Республика Кулгалхочо.
