ГӀалгӀай къаман
юкъара газет

Кердадараш

Кхетаче дIайихьар селий мехка

17.04.2023 08:00

В Дагестане прошёл второй Международный женский экономический форум, приуроченный к 100-летию Расула Гамзатова. Организатором мероприятия выступил Комитет по развитию женского предпринимательства «Опора России» в партнёрстве со Сбером.

Къамашта юкъерча бизнес-бувзамах, кхалсага экономика йоаржаяра юкъе лоацаш долча даькъах, туризмах, культурах, иштта кхыдарех а дийцар цу кхетаче. 
Селий мехкарча Къаман Гуллама кулгал деш вола Аскендеров Заур аьлар: «Таханара вIашагIкхетар укх республикан, вай берригача мехка геттара эшаш, пайдане да.

Укхаза тахан гулбеннаб Россе тайп-тайпарча миIингашкара хьалхалатта кхалнах-бизнес лелаераш, политикаш, лораш, юкъарлен гIулакхе латтараш. Кхалнаха доккха дакъа дIалаьцад вахарерча лоархIамеча гIулакхашта юкъе массайолча ханашка. Таханарча вахаро вайна хьалхашка керда декхараш увттаду. Царна юкъе да экономика, дешара гIулакха хьал тоадар, наьха вахар аттачахьа даккхар. Уж деррига хIамаш тоадеш латт тахан дуккха кхалнах».

Кхетаче гуш бар «Селий кхалнаьха кулгаша кхеллар» яха, къаман исбахьален тайп-тайпара хIамаш йола гойтам. Гамзатов Расула хетаяь, «Безамо лаьцача дегаца, илли оал аз хьона» яха поэтически яхьаш дIайихьар.

Селий мехкарча Сбербанка кулгалхочун гIонча вола Айрапетян Михаила белгалдаьккхар:
«Эконимически вахаре къахьегаш бола кхалнах хIара шера дукхагIа хулаш латт. Бизнес йоаржаеш бола кхалнах кIезига бац тахан вайна юкъе. Сберо шийна ма могга гIо ду цу мугIарерча наха. Дагестанерча бизнеса гIо деш да тхо тахан, ма хулла цун хьал тоадара тIехьа тайп-тайпара гIо лоаттаду оаха».

ДIахойодача хана а, вIаший новкъостал лоаттадергдолаш, чIоагIо йир кхетаче Сберои, «Россе оагIув» яхача селий мехкарча моттигои. ХIанзчул тIехьагIа, Сбере гIолла, мах боацаш, шоай бизнес хьаелла, кхыдола гIулакхаш дIахьо аьттув хургба цу мехкарча бизнесмений.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде