ГӀалгӀайчен шахьарий хьал тоадарах дийцар КИФ-2025
27.05.2025 14:04
Кавказерча инвестицеех йолча кхетаче вӀашагӀкхетар дӀадихьар вай Мехкадас Келаматанаькъан Махьмуд-Ӏаьлас, АО «ЦӀА.РФ» кулгалхоччунца Мутко Виталеца, «Сафмара» хьалха латтача Гуцеранаькъан Микаила дакъа лоацаш.
Дийцарашта юкъе керттера моттиг дӀалоацаш хилар Шолжа-Наьсарен-Магаса вӀашагӀкхетарах болча балхаца дувзаденнараш. Лаьттан, гӀишлон балхашта юкъедолхаш хургда цига хоадам баьраш. Мехка хьал тоадара тӀехьа лоархӀаме моттиг дӀалоацаш хургда из гӀулакх, Мехкадаь зарбан болх лелабераша белгалдечох.
Теркалде деза, 2024-ча шерарча гуйран хьалхарча бетта республике «ЦӀА.РФ» оагӀон викалаш хилар вайцига баьхка. ДӀахо бувзам лелабе лаьрхӀа чӀоагӀо йир цу оагӀонца. ВӀашагӀкхетара оагӀонцарча балха юкъе шахьараш санна мехкара юрташ а гӀоргья.
