Коталон денга е езача кийчонах дийцар Паччахьалкхе
07.02.2025 12:03
Сийлахь-боккхача Даьймехка тӀем тӀа котало яьккха 80 шу дизара хетаяь дӀаяхьа езача кхетаченех дийцар республикерча Паччахьалкхено. Премьер-министр волча Сластенин Владимира кулгал деш дӀайихьача кхетаче дийцар из дош.
«Сердалога» из хоам бу Мехкадаь зарбан болх лелабераша. Сластенина теркалдир, из болх йоккха терко тӀайохийташ дӀабахьа безилга. Республике дӀахьош йола еррига кхетаченаш тӀема истори гойташ, боаггӀача боараме кийчъяь хила езилга хьоахадир цо.
Премьер-министра иштта белгалдир, еррига кхетаченаш республикерча берригача бахархошта гургйолча тайпара дӀаяхьа езилга.
Администраце кулгалхошта тӀадиллар, шоаш доал ду моттигаш цу денга кийчъе, аьнна. Мехка мел долча тӀема сийленгий куц тоадеш, болх дӀахьоргба республике.
