Гӏалгӏайчен Москвера массазара викал Тыверча хьакимца кхетаче дахьош хилар
02.09.2026 13:45
Москвера вай мехка массазара викал вола Оздой Муслим Тыва Республикан Паччахьалкхен кулгалхочун гӏончаца, республикан ше санна волча массазарча викалца Чеченом Чоксумаца кхетаче дахьош хилар.
«Москверча шин мехкарча викалашта юкъерча бувзамах, иштта кхыдолча керттерча гӏулакхех дийцар цига. Къаьстта терко йир хьакимаша цхьаццадараш дӏа-хьа эцаш, пайданегӏа хургдараш цхьана хьаллоацаш къахьегара», - йоах «Сердалога» Гӏалгӏайчен викалгара кхаьчача хоамо.
Оздой Муслима, Чеченом Чоксума чӏоагӏо йир юкъера бувзам чӏоагӏбеш къахьега, вахара, экономически, культуран оагӏонашца дувзаденнараш цхьана доаржадеш болх дӏабахьа.
