РФ премьер-министр Мишустин Михаил вена хилар, ГӀалгӀайчен КИФ-2025 гойтамга хьажа
Премьер-министр Мишустин Михаил хьежар, Кавказски инвестицей кхетачен чубоагӀача ГӀалгӀайченна карагӀдоаларий хьокхамга. Республикан викалаша цунна гойтар дегӀаахара керттера моттигаш, цу юкъе лоархӀаме экономически толамаш а, пайда луш йола инвестицей проекташ а йолаш.
ГӀалгӀайчен Кулгалхочо Келаматанаькъан Махьмуд-Ӏаьлас белгалдир, республико массайолча оагӀорахьара дегӀайоагӀаш хилар гойт. Масала, мехко арахецаш йола продукт дукхагӀа я 34% - 70-гара 95 млрд сомага кхаччалца, хӀаьта промышленни оагӀонга диллача, из кхозза дукхагӀа я. Хьабе болх боацаш хилар дикка лохденнад- 18,7%-гара 5,7% кхаччалца, бюджете хьачудоагӀаш дар 1,8-зза тӀакхийттад.
«Тхо кийча да инвестицеш, керда таронаш юкъеяха. Паччахьалкхен - доалахьара бувзам лелабе, кхыча тайпара инвесторашца, гӀулакх леладерашца. Промышленноста, юртбоахама, таьрахьий экономикан дегӀаахара даькъ тӀа хьалхара дӀадоладеш дола хӀама дувца», - аьлар Мехкадас.
Гойтаме керттера терко тӀаозаш хиннар дар: агропромышленни комплекс, таьрахьий экономика, промышленность, туризм. Гойта оттаяьча проекташта юкъе яр - «Шолже» яха теплични комплекс, цун Ӏалашо яра йола газопровод, «Ишкола 21» Сбербанкагара кампус , кӀалах гӀирсаш деш йола оагӀув, иштта кхыдараш а.
Белгалйоалаш яр йоккха Магасско-Шолжен вӀашкхетара проект, цига юкъеяккха тарлуш я 100 млрд сома совгӀа инвестици, из гаргарча 10 шера республика дегӀаяра лоархӀамегӀдар да.
Келаматанаькъан Махьмуд-Ӏаьлас белгалдир, Мишустин Михаила лакха мах оттабу ГӀалгӀайчен карагӀдоалачоа, цо дӀахо а республика дегӀаяра новкъостал лоаттадергда.
«Премьер-министр вена хиларо хьагойт Къилбаседа Кавказа мохк экономикан даькъ тӀа лоархӀаме хилар, цун инвестицешта федеральни центро терко лоаттаеш хилар», - аьлар ГӀалгӀайчен Кулгалхочо.
