Наьсаре бахача дезала, Путина тӀадиллача декхарах, керда 16 моттиг йола автобус еннай
Наьсарен шахьара чуйоагӀача Дошлакъий-Юртарча Боголанаькъан боккхача дезала, Российски Федераце Президента Путин Владимира тӀадиллача декхарах, 16 саг чухошаш йола Sollers Atlant яха дикача хьалашца Ӏалашъяь автобус яйтай.
Телемост дӀахьош, РФ Паччахьалкхен Председатела гӀончас Мантуров Дениса даькъалайийцар Хамхой Марем, цунна «Нана-Турпал» яха цӀи яларца, цу моттиго тешал дир паччахьалкхено боккха дезал бола фусамаш хьаллоацаш хилара.
«Вай Президента боккха дезал бола фусамаш хьаллацарах керттера декхар лоархӀ. Кхыметтел цхьа бер хьалкхедар а - из боккха къахьегам ба, хӀаьта шун дезал - из боккха безам хилара масал да, оаш 11 дезалхо кхеваьв. Керда автобус шун хӀара денна дӀахьош долча вахаре шоана накъаяргья, Кавказа хозаленаш го таро хургья», - аьлар Мантуров Дениса.
Боголанаькъан Марем, Беслан хӀара денна шоай низ, хьинар берашта дика кхетам балара, уж лерттӀа дегӀадоаладара дӀалуш ба.
Цу дезала транспорт ялара дош сиха кхоачашдир, цо хьагойт Президента дукха дезал бола фусамаш хьаллоацаш хилар. Из - паччахьалкхено дезал хьаллацара, фусамаш чӀоагӀъяра деш долча новкъосталах цхьа дакъа мара дац.
Тахан Россе, Путин Владимира ше дакъа а лоацаш, кхоачашдеш а керттерчарех да аьнна оттадаь а декхар да; дукха дезал болча фусамашкара таро тоаеш а царна терко лоаттаеш а хилар.
