ГӀалгӀай мехка 6 шера спорт дегӀаахарах дийцар
ГӀалгӀайче чаккхе йир «Спорт-вахара боарам» яха моттигера проект кхоачашъеш дӀабихьача балха, из «ДегӀаахар» яхача къаман проекта цхьа дакъа дар, яхаш, дийцар республикан Кулгалхочун, Паччахьалкхен зарбан болх лелабераша.
Къаман проекта чуйоагӀаш, республике 19 керда гӀишло хьалйир, цу юкъе физкультурно-унахцӀенон комплексаш а йолаш. Цул совгӀа, 23 ишколе спортивни залаш тоаяьй, 33 дешара моттигашка керда спортивни майдаш яьй. 49 юрта хьайийллай спортивни клубаш, цо таро лу кагирхошта спортаца дувзаденна хьалаш леладе.
Республикан спортивни вахар диза да кхетаченех: дӀайихьар 127 спортивни кхетаче, цига дакъа лоацаш вар 2 625 спортсмен. 2018 шера денз 2024 шерга кхоаччалца яьха майдилгаш я: 534 дошо, 369 дото, 476 борза.
«ДегӀаахар» яха къаман проект дӀахьош хиларо бахархой вахар дӀаьхий хулийт, цул совгӀа бераш дара хьал а тоалуш доагӀа, бахархошта лаьрхӀа хьалъеш йола спортивни объекташ а дукхагӀа я», - аьлар республикан Кулгалхочун зарбан болх лелабечо.
