«Турпала никъ» яха СВО доакъашхой яхь чакхъяла гаргагӀертай
Украинерча тӀема операце доакъашхошта лаьрхӀа вӀашагӀъеллача «Турпала никъ» яхача яхьах дувцаш, кхетаче дӀахьоргья мехка укх бетта 30-ча дийнахьа. Из хоам «Сердало» газетага бир Мехкадаь зарбан болх лелабераша.
Республикан кулгалхочо Келаматанаькъан Махьмуд-Ӏаьлас белгалдир, доакъашхошта юкъе хоржам барал совгӀа, толашагӀбарашта юкъе къоастам бе безилга.
«Даьхе шоай дегашта боча, хьамсара йолга хьагойтад цу наха, хӀаьта таханара вай декхар - маьршача вахаре дикаш доаржаде царна гӀо дар, цар оагӀув хьаллацар», - белгалдир Мехкадас. «Турпала никъ» - кердача, доал дара оагӀонцарча болхлошта дика гӀулакхаш дӀадахьа гӀо деш йола, вахара-экономикаца дувзаденнараш тоадарах йола проект я.
Тайп-тайпарча балхашка шоай низ, начӀал гойта аьттув луш я таханара яхь. Ӏаьдала моттигашка тешаме, шоай гӀулакх бехктокхаме, боаггӀача боараме дӀахьош бола болхлой эшача вай республиканна лоархӀаме я из.
