ГӏалгӀай мехка дездир анзорий (пограничникий) Ди
Магасе кхетаче дӀайихьар, Россе анзорий гӀулакх хьакхелла 107 шу дизара хетаяь. Цу кхетаче гулбелар тахан шоай балха тӀа бола анзораш, цу балха ветеранаш. Уж даькъалабийцар цу Денца премьер-министра Сластенин Владимира.
Паччахьалкхен Председатела къамаьл дир мехка кулгалхочун Келаматанаькъан Махьмуд-Ӏаьлий цӀерагӀа. Цо белгалдора доазув лорадеш латтарий денал, цхьоагӀо йолаш уж хилар, иштта цу гӀулакха даькъ тӀа лакха балха говзал хилар.
«Оаш кхоачашдер доккха, бехктокхаме декхар да - вай Даьхе лораяр. Тахан, вай боккхагӀбарий ларах, цар дитача Ӏадатех масал эцаш, шо дӀадолхаш да паччахьалкхен доазув лорадеш, Россе къулбехьен даькъ тӀа», - аьлар хоамо.
Цул совгӀа, кхетаче дӀахьош массехк белгалбаьннача цу Урхаллен болхлошта Республикан Кулгалхочунгара, ФСБ анзорий гӀулакха кулгалхочунгара грамоташ елар, цар балха говзал лакха хиларах, цу балха даькъ тӀа лакха толамаш дахарах.
Иштта кхетачен доакъашхоша сий дир, тӀема декхар кхоачашдеш, шоашта юкъера дӀакъаьстача анзорий.
