ГӀалгӀай профсоюзий болхлочун Ди белгалдир
10.02.2025 20:55
ГӀалгӀайчен кулгалхочо Келаматанаькъан Махьмуд-Ӏаьлас амар арадаьккхар, республике профсоюза болхлочун Ди белгалдеш. Из дувзаденна да, профсоюзий болхлой лаьрххӀа дола цӀай цахиларца.
Бувзамий оагӀонашка гӀолла ше кхайкарал деш, цо белгалдир профсоюзий болхлошцара лерхӀам боккха хилар:
«Профсоюзий болхлой латт къахьегамхой хьашт лорадеча хьалха, уж тӀехьахьож балха моттиге цар бокъонаш телхаеш цахилийтара, иштта кхыдола хаттараш шоай ханнахьа кхоачашдеш хилара».
Цо иштта белгалдаьккхар, тахан юкъарча вахара цхьоагӀон доккха дакъа профсоюзаша дӀалоацаш хилар.
Мехка Кулгалхочун зарбан болх лелабераша баьча хоамах, профсоюзий болхлой даькъалабувцаргба хӀара шера маьцхали бетта 31-ча дийнахьа.
