ГIалгIайче 2024-ча шера хьалъяьй 1100 квартира
ГIалгIай мохк фусамаш яра дош кхоачашдарга йодаш я: дIадахача шера республике хьалдаьд 1177 дукха нах чубаха цIа, цига таро хилар 1 200 дезал баха ховшабе. Мехка кулгалхочо Келаматанаькъан Махьмуд-Iаьлас белгалдир, керда фусамаш хьалъярал сихагIа лакхлу уж езарий таьрахь, бакъда Iаьдало хIаьта а кхоачашду из декхар.
Кердача фусамий юкъера боарам ба 171, 7 эзар кв. метр, цу юкъе дукха квартираш йола цIенош а долаш, иштта доалахьара фусамаш йолаш. Мохк цу даькъ тIа 105,3% ший декхар кхоачашдаь а Iийнабац, цо из совдаьккхар 5, 6 кхоачаш, дIадахача шера хинначул.
«ГIалгIайче вахара фусамаш юкъейоалаяра хаттар керттера терко лоаттарех да. Из дувзаденна да «Фусамаш» яха федеральни проект кхоачашъе езаш хиларца, иштта «Фусамаш, шахьара хьал» яха къаман проект кхоачашъеш хиларца, цул совгIа фусамаш эшаш хилара хьал рынке аттачарех дац», - аьлар Келаматанаькъан Махьмуд-Iаьлас.
Республике гIишлош хьалъяра тIехьа тIахьожам лоаттабу болх вIашагIбеллаб, яхаш, дийцар ГIалгIайчен Кулгалхочун, Паччахьалкхен зарбан болх лелабераша.
