ГӀалгӀай мехка гӀишло хьалъечарна, керда бокъо юкъейоалаяьй
![](http://serdalo.ru/storage/IVBrkxXvnQejVmflcWwnBOgSxI4IzfuMgGmvFFXQ.jpg)
ГӀалгӀайчен Кулгалхочо тӀадиллача декхарах, хӀанзчул тӀехьагӀа республикан Паччахьалкхено бокъо лургьяц йоккхий гӀишлош хьалъе, цу юкъе вӀаштӀара яь квартираш а йолаш, нагахьа санна цунна машинаш дӀаоттаяра йола моттиг чуйоагӀаш ца хуле, аьлар ГӀалгӀайчен министрий кабинета зарбан болх лелабераша.
«ЛаьрххӀа машинаш дӀаовттаеш йола моттиг дӀакъовла йиш яц, харцахьа машина Ӏооттаеш. Наьха хьашташ а кхерамзле а лорае еза»,- аьлар Келаматанаькъан Махьмуд-Ӏаьлас.
Йоккхача, мах беча моттигашка, вахарца ювзаеннача гӀишлошка машинаш Ӏоовттае моттигаш цахилар харцахьа да, цар новкъарле ю, водителашта санна гӀаш леларашта а. Масала, юкъарча транспорта остановкаш каст-каста дӀалоацаш нийслу, шоай доалахьара машинаш наха Ӏоувттаеш, цудухьа пассажираш миччахьа новкъа Ӏобовла безаш хул, шоай бехкагӀа доацаш, новкъа лелара бокъонаш телхаеш.