Мархий бутт болаш, балха ди цхьан сахьата лоацдергда
ГӏалгӀайчен Кулгалхочо Келаматанаькъан Махьмуд-Ӏаьлас амар арадаьккхар, беза Рамадана бутт болаш, балха ди цхьан сахьата лоацдарах, яхаш, дийцар «Сердало» газетага республикан кулгалхочун зарбан болх лелабераша.
Из лаьрхӀа да, массанена а марха кхаба аттагӀа хургдолаш. Паччахьалкхен Ӏаьдала моттигаш, доал дара даькъ тӀара викалаш, урхалленаш, предприятеш, организацеш из шоай балха даькъ тӀа дӀалархӀа дезаш я», - аьлар хоамо.
Цу юкъе йоккха терко лоаттаю вахара Ӏалашон хаттарашта: вахара хьашташ кхоачашдеча организацешта декхар оттадаьд, цахаддаш электроэнерги, газ, хий наха лоаттадарца дувзаденна, из беррига бутт чакхбаллалца. Цул совгӀа, ГӏалгӀайчен мах беш йолча моттигашта хьалхадоаккх эцархой тӀаэцар 23:00 сахьат даллалца, маьхаш лакх а ца деш.
«Кавказ» яхача федеральни наькъ тӀа, массаза санна марха даста таро кийчъ- ергья, наькъа болча наха.
Иштта ГӀР юртбоахама Министерствос, доал дара администрацеца цхьана ярмаркаш дӀахьоргья.
Из деррига деш да, наха марха кхаба паргӀато хьакхоллаш.
