Хин юхе нувхаш кхийса моттиг гучаяьлар Эккажкъонгий-Юрта
25.01.2024 10:09
Ӏалама гӀулакхах йолча министерствон болхлоша дӀайихьача рейдо гучадаьккхар, Кен яхача хих дӀакхеташ долча Бари-Эли оалача хин гонахьарча моттиге, бокъо йоацаш, нувхаш кхувсаш хилар. Ӏалама тӀахьожам лоаттабу нах ба тха газетага из хоам бераш.
«Ӏалама гӀулакхах йолча министерствон къахьегамхоша 8000 гӀод техар Эккажкъонгий-Юртарча администрацен кулгалхочун, из хӀама бахьан долаш. ГӀулакх прокуратуре чуденнад, хӀаьта Ӏаьдало оттаяьча статьях (1 д., 8.42 ст. КоАП РФ) бехктокхаме оз администрацен кулгалхо», - дийцар тхога Ӏалама тӀахьожам бераша.
Цар дийцачох, цу мугӀарера болх цар дӀабахьа лерхӀ республикерча ерригача моттигашкарча хин йистошка, цар доазонаш тохкаш.
