Наьсарен цхьан урам тӀа, тишъенна хин турбаш хийцар
06.02.2025 22:54
Наьсарен-Шахьара Красноармейски урамах, каст-каста лелхаш йола хин турбаш хийцай, цига къаьнара турбаш хувцаш болх дӀабихьаб, яхаш, дийцар мэрерча зарбан болх лелабераша.
Карарча шера шахьара Ӏаьдало урам тӀа асфальт Ӏобилларал совгӀа, дукхача хана денз бахархошта дагадаьлла хицара хаттар а кхоачашдир. Наьсарен мэра Оздой Руслана белагалдир, хӀанз шахьара администраци, керда оагӀув хьа а лаьца, болх бе лаьхӀа хилар: цкъа хьалхагӀа турбаш хувцаргья, цул тӀехьагӀа наькъаш тоадергда.
Цу балхашта чудоагӀаш 250 метр йола хин турбаш хийцар бюджетера доацача ахчах. ХӀаьта бӀаьсти Ӏаьдало цу урам тӀа керда асфальт Ӏобиллар.
