6 шера ГIалгIайчен 63 никъ тоабаьб, къаман проекта чубоагIаш
ГIалгIай мехка бухсоццаш дийцар, 6 шера «Кхерамзлен дика наькъаш» яха, къаман проекта чудоагIаш даь балхаш.
Кулгалхочун, Паччахьалкхен зарбан болх лелабераша хоам бир, цу проекта чудоагIаш 3 млрд сом совгIа ахча юкъедаьккхад, царех 1,7 млрд республикански бюджетера да, 2 млрд - федеральни ахча.
Къаман проектага гIолла ялх шера болх беш тоабаьб 63 никъ, цар дIоахал 155,6 км йолаш. Иштта тоадаьд Шолжера, Илдарха-ГIалий тIара, Эккажкъонгий-Юртара кхо тIий. ЛоархIаме да, 4 эзар наькъашка хила еза белгало цар тIа йолаш хилар. Цо дикка юхатох новкъа хила тарлу хьовзамаш, иштта лораю кхерамзле.
Къаьстта лоархIаме да, хоамо яхачох, новкъа хулаш дола зуламаш кIезигагIа хилар: 2024 шу йистедоалаш, уж дар 11,19 сагага кхоачаш, 100 эзар саг ваха моттиг хьаийцача, цигара ховш да дIадахача шера 2017 шера хинначул; 17, 21 саг кIезигагIа ва.
Цул совгIа, хьалха хинначоа юхе, машинаш дуккха хиларах кIезигагIа низ тIалатт федеральни, моттигерча наькъашта, 2018 шера низ тIалаттараш дар 173,3 км, хIаьта 2024 шера 83 км мара дац. Таханарча денга кхоачаш 80% шахьара наькъаш хила дезача боараме да, 2018 шера 66,7% хиларца уж нийсдича. Мехкарча, юрташта юкъерча наькъий хьал дувца эттача, уж дика да 80,17%.
«Тахан вай ала йиш йолаш да, вай керттера машинаш лела наькъаш технически боарам хила безача тайпара болаш да, аьнна. Наькъаш тоадеш юкъейоалаяьй дика технологеш, цар таро лу наькъаш ца дохаш дукха дахаш хилийта», - аьлар къаман проектах бухсоццаш хьахиннар дувцаш, ГIалгIайчен кулгалхочо Келаматанаькъан Махьмуд-Iаьлас.
Белгалде деза, «Кхерамзленна дика машина наькъаш» яха проект Президента могаяьй дIахо а 2030 шерга кхаччалца дIаяхьа.
