КИФ-2025 шоллагӀча ден юкъе дакъа лоацаш я вай республика
27.05.2025 10:51
Йоккха, яьржа хургйолга гуш дар Кавказерча инвестицеех йолча кхетачен шоллагӀча ден программа. ГӀалгӀайчен стендага хьожаш хургва цига РФ Паччахьалкхен кулгалхо вола Мишустин Михаил.
Иштта керттера моттиг дӀалоацаш я цигара «ЦӀА.РФ» яхача акционерни оагӀонна кулгал деча Мутко Витале, «Сафмар» хьакхеллача Гуцаранаькъан Микаила дакъа лоацаш йола кхаь оагӀонцара кхетаче.
Цул совгӀа, Мишустина кулгал деш, Къилбаседа Кавказера вахара-экономически хьал тоадарах лаьца дувцаш, Паччахьалкхен комиссе кхетаче дӀахьоргья цига.
