ГӀалгӀайчен Кулгалхочо интервью елар, ТАСС хоамий агентствонна
ТАСС хоамий агентствонна ше интервью луш, ГӀалгӀайчен кулгалхочо Келаматанаькъан Махьмуд-Ӏаьлас дийцар, республикан экономически хьалех, иштта декхар лаьгӀдара долча хьалех, инвестицеш хьаллацарах.
Цо белгалдир, мехка зӀамига, юкъера бизнес дегӀайоалаяра хьалаш хьакхоллаш хилар.
«ЛоарххӀаме терко лоаттаю мехка экономика дегӀайоалаяра, продукци арахецараш хьаллоацаш хиларга гӀолла», - аьлар республикан кулгалхочо.
Белгалду, ГӀалгӀайчено кхоалагӀа моттиг яьккхар зӀамига, юкъера предприятеш дегӀайоалаяра даькъ тӀа, 2025 шера хьалхарча кхаь бетта. Цар дегӀаахар хилар 11%.
Цул совгӀа, республико кхоалагӀа дакъа бюджетни кредит лаьгӀдара дехар дӀаденнад, из да 1,2 млрд сом. Мехка Кулгалхочо лоархӀ, Россе Паччахьалкхено вай республика хьаллоацаш хиларах, вахар декхараш кхоачашде таро хул, аьнна. ТӀера декхар дӀадаккхара бола болх дӀахьоргба кхаь шера - 2025-2027 шерашка.
