Паччахьалкхен комиссе балха юкъе, дакъа лаьцар Мехкадас
Премьер-министр волча Мишустин Михаила кулгал деш, дӀабихьача Паччахьалкхен комиссе балха юкъе дакъа лоацаш хилар вай Мехкада. Дувца оттадаь керттердараш: мехка хьал тоадергдола программаш йоаржаяр, цу наькъ тӀа тӀатеӀӀа болх дӀабахьар.
СКФО хӀама тоадаларца дувзаденнарех дийцар кхетаче. Ювца оттаяьча керттерча темашта юкъе дар МСП хьаллацар, туризм йоаржаяр, юртбоахама оагӀув тоабар, иштта керттердарех да, аьнна, белгалдир бахархой хьал тоадеш хилар.
СКФО моттигий хьал хоалуш тоалуш латтилга белгалдир Мишустин Михаила. Экономикан, машинашца бувзабеннача оагӀон хьал тоадеш, къахьега дезилгах дийцар хьакима, иштта хьоахадир, паччахьалкхенгара новкъостал хилар лоархӀаме долга.
Керттера оагӀонаш тоадеш, болх дӀахьош латт республике. Промышленность тоалуш латт, юртбоахама хьал а дикка айденнад, инвестиционни оагӀонца а хӀара денна дика хувцамаш хул.
Келаматанаькъан Махьмуд-Ӏаьлас хьоахадир, къаьстта йоккха терко вахара оагӀонца дувзаденнарашта лоаттаелга: «Федеральни оагӀоно гӀо деш хиларах; йоккха, лоархӀаме проекташ йоржае аьттув боал тахан, цу гӀулакхо наха болх бе моттигаш хулийт, мехка бахархой хьал дикка аттача доаккх».
