КИФ-2025 яхача гуллама йоккхача кхетаче, дакъа лоацаш хилар вай Мехкада
Къилбаседа Кавказа гӀулакхаш тоадеш, итт шера дӀабахьа лерхӀача балхах дийцар Кавказерча инвестицеех йолча кхетаче вице -премьер волча Новак Александра. Къилбаседа Кавказа хӀама тоадарах йола паччахьалкхен программа йоаржаеш, итт шу совгӀа йолча хана тӀатеӀӀа къахьегилга белгалдир Новак Александра.
2021-ча шера, РФ Паччахьалкхен кулгал деча Мишустин Михаила хьалхаленца вӀашагӀъехка лаьрххӀа йола экономически проекташ - уж дикка йоаржаяра тӀехьа бола болх ба дӀахьош. «Къаьстта йоккха терко тӀайохийт вахара оагӀонца дувзаденнарашта, гӀишлон балхашта.
Укх тӀехьарча итт шера 73 млн кв. метрага кхоачаш гӀишлош хьалъяьй, хьабе болх цахилар 16% тӀара 8,6% тӀа ӀотӀаденад», - дийцар Новак Александра. Вице -премьера теркалдир, Кавказера промышленность, берригача мехкара хьал хьаийцача, шозза дукхагӀа яржаш латтилга, доалахьара инвестицеш тӀехьарча кхаь шера 75%-га кхоачаш айеннилга.
«Боккха аьттув болаш да Кавказера мехкаш, къаьстта туризме, юртбоахама оагӀонца», - тӀатехар воккхача хьакима.
