Саькура беттарча кхетаченга кийчлуш ба Халкъа Гулламе
11.02.2025 13:38
Укх бетта дIаяхьа езача кхетаченга кийчо еш ба Халкъа Гулламе. ХIара кIира дIакхухьаш долча ТIумхой Мухьмада кулгал деча вIашагIкхетарашка дийцар цхьацца лоархIамеча бокъонех, тайп-тайпарча моттигашка дIа-хьа хьожаяьча проектех.
Тахка оттадаьчарна юкъе эггара керттерчарех да аьнна белгалдир «Паччахьалкхен моттигашкара болх, паччахьалкхен граждански декхараш республике кхоачашдечарна ахча теларах» йолча бокъон 1-ча, 2-ча оагIон тIа хувцамаш юкъедоаладар, иштта паччахьалкхен балха моттигех йолча бокъон проект. Цул совгIа, керда мировой судхо харжар юкъедоаладир цига. Суда оагIон моттигашта лоархIаме хургда из дош. Теркалбергба Миннаца, хьайбашта дарба деча оагIон моттигаша дIадахача шера дIабихьача балха.
