Ӏаьлий-Юртарча дешархошта, концерт луш хилар ЦТКиКИ солисташ
Театра, кинон, таханарча кердадарех йолча моттига солисташа Ӏаьлий-Юртарча гимназерча берашта концерт делар. «Пушкина картага» гIолла дакъа лоацаш, йоккхагӏча классера дешархой, хьехархой бар актови зале.
«Сердалога» ЦТКиКИ зарбан болх лелабераша дийцачох, программан юкъе дар иллеш, ашараш. Бераш долча баьхкабар артисташ Исраиловгӏар Лариса, Эккажанаькъан Роза, нанна хетадаь илли оалаш вар цига Беканаькъан Рахьман.
Иштта чӏондагаца лирически пьеса лекхар Ӏарпенаькъан Хьавас, Оздой Лейлас. ЦIихеза туркий мукъам локхаш хиннача Лейлайна, къаьстта чIоага тоараш детташ, техьаоалаш бар дешархой.
ЦТКиКИ керда солист Пхьилекъонгий Адам а вар цига хьалхара сцена тIа ваьнна. Кхыча къамий метталара композици яр цо хержа хиннар.