ГӀалгӀай къаман
юкъара газет

Новости


Инаркъерча ишколе дӏайихьар, терроризма духьалара урок

Инаркъерча ишколе дӏайихьар, терроризма духьалара урок

Инаркъерча № 12 йолча ишкола йоккхагӏча класса дешархошца, кхерамзленца дувзаденнарех йола урок хилар. Къонабарашца дийцар терроризм, экстремизм, неонацизм яхача бӏехача зуламех, иштта наркомани яхача доккхача вон духьала къовсам лоаттабарах. Дийша нах, цхьацца моттигашкара болхлой бар берашца къамаьл де баьхкараш. Терроризма духьаларча комиссе доакъашхо вола Джамболатанаькъан Мухьмад, Магӏалбикера имам Баьтаранаькъан Ибрахӏим, юртарча администрацена кулгал ду Котанаькъан Адам бар кхетаче дӏахьош хиннараш.

«Дешархошка дийцар лоралуш, къаьстта интернета оагӏонашка фийла болаш хила безилгах. Иштта берашта хьалхадаьккхар, вахара оагӏонашка гӏолла бувзаме бувлаш къонабараш кегабе, къамашта юкъера барт бохабе, моастагӏал доаржаде гӏертарашка ладувгӏа йиш йоацилгах.

Баьтаранаькъан Ибрахӏима дийцар наркотик яхача дохьажо сага дегӏ, оамалаш толхаярах, воча, бӏехача хӏамах хьокхавеннача сага ший гӏулакхаш тоаде хала хургхиларах. Дала хьаенна ха хьарам долча хӏаман тӏехьа йоае йиш йоацилга белгалдир цо», - дийцар «Сердалога» цу моттигера.

Хьаьшаша берашца къамаьл деш теркалдир, саг бокъонаш лораеш, беркате дола хӏама хьаллоацаш, доаржадеш хила везилга. Дешархой хаттараш даьшхар цар, воча хӏаман гаьна хилар денал долга белгалдир.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх