ГӀалгӀай къаман
юкъара газет

Новости


«Айвалар» яха Ерригача Россе проект йовзийтар Магӏалбикерча студенташта

Къаман фронта «Айвалар» яха дешара, яхьа программа йовзийташ хилар МагIалбикерча унахцӏенон-вахара колледже. Дакъа лоацаш хиннараш бар цига дешаш бола студенташ, «Хьалхарбарий болам» яхача оагӏон доакъашхой.

«Сердалога» бенача хоамах, проект йовзийташ хиннар вар инструктор Кхоартой Ислам. Саг чувоацаш гӏетташ долча гӏирсий оператораш Ерригача Россе яхьашка дакъа лаца харжар мишта хила деза, къонабарашта цу оагӏоно фу довзийт дийцар Ислама. Къаьстта терко йир спикера из программа йовза массане аьттув хилара; цу оагӏонцара говзал йоаца, хӏетта болалуш бола пилоташ а ба цига гӏолла кийчо е йиш йолаш. Хӏаьта эггара толашагӏбарашта дала лерхӏ 10 миллион ахча.

Студентий дукха хаттараш дар цу программаца дувзаденна. Цхьабараша, из кхетаче йистейоаллашехь, анкеташцара болх чакхбаьккхар, Россе йоккхача яхьашка дакъа лацара тӏехьа дӏаязбенна хьалхара гӏа баьккхар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх