Гӏалгӏайчен ишколашка пенсионни хьал довзарах дола дешар дӏадоладир
Гӏалгӏайче гӏолла йолча Россе Вахара ганза говзанчаша кхетам балара урок елар, Магасерча №3 йолча ишкола дешархошта. Кхетаче ерригроссийски кагирхошта лаьрхӏа йолча дешара кампанена чуйоагӏаш яр, яхаш, хоам бу «Сердало» газетага ГӏР гӏолла йолча СФР.
Йоккхагӏча классашка багӏача дешархошта дийцар пенсионни балха даькъ тӏара хьал мишта вӏашагӏделлад, хургдолча пенсе бокъонаш малагӏаш я, пенси дукхагӏа ийдара де дезар фуд. Говзанчаша къаьстта терко тӏаяхийтар, деша вагӏача хана, ший пенсе уйла е езаш саг хилара, цудухьа балха оттар а цох тийша да, «кӏай» алапи ийдергдолаш.
Керттера декхар да - кхувш йоагӏа тӏехье цу гӏулакхах дӏакхетаяр, из цунца бехктокхаме хилар. Дийцар дешархоша дикагӏа дӏаэцаргдолаш, царех хӏаранена «Деррига а хургдолча пенсех» яха СФРа гӏон дола книжка делар, цу тӏа я пенсе закона еррига бокъонаш.