ГӀалгӀай къаман
юкъара газет

Новости


Бийсан новкъа хиннача хатарах, кхо саг велар Наьсаре

Дӏаяхача бус Наьсарен-Шахьара Россе ОМВД ха деча даькъ тӏа хоам бера, Мутаӏаланаькъан урамах хатар нийсденна хиларах. Цу моттиге сиха дӏакхаьчар наькъа хаьхой, ППСа болхлой, иштта тохкама-хьем боаца тоаба, яхаш, дийцар «Сердало» газетага Гӏалгӏайче гӏолла болча Россе МВД зарбан болх лелабераша.

Хьалха баьча хоамах, «ВАЗ-2114» автомобила водитель Мутаӏаланаькъан урамах воагӏаш хиннав харцахьа машина номераш йолаш, ше водитель хилара тешал деш дола каьхат а доацаш. Из, ший боацача наькъ тӏа ваьнна, тӏакхийтар «Хендай Солярис» яхача иномарканна. Тӏакхетар сов чӏоагӏа хиларах, цун машина лотаелар.

Цу машена чу ваьгӏа кхо саг, лораш хьа а кхачале велар. Царех цаӏ, хьалхагӏа, 17-зза административни бехктокхаме оттаваь хиннав. «Хендай Солярис» машина 2002 шера ваьча водитела човнаш хиннай, из хӏанз Гӏалгӏай республикански клинически дарбанчен реанимаце ва. Карарча хана полице болхлой тохкаш ба хиннар.

Гӏалгӏайчен МВД бахархой тӏахьех наькъа бокъонаш лораяра. Водителага бокъо лу каьхат доацаш транспорт лелаяр бахьан долаш, наькъашка дукха зуламаш хул. Машина ко бедолла бокъо лу, Госавтоинспекце экзаменаш дӏачу а енна, из саг дийша хилча.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх