ГӏалгӀайчен хьу меттаоттаяра гойтам 100% хилар
ГӏалгӀайче белгалбир, хьу меттаоттаяра гойтам, таханарча денга кхоачаш 100% хилар из. Цу тайпара толам баккха таро хилар, «Хьунаш лораяр» яха къаман проект кхоачашъеш хиларах. Уж а кхыдола балха толамаш а миштад хьожаш чаккхе еш да мехка Ӏаьдал.
ГӏалгӀай Республикан Кулгалхочочун, Паччахьалкхен зарбан болх лелабераша яхачох, карарча шера шозза дукхагӀа юхатоха таро хилар ювла цӀераш, дӀадахача шера хинначунга хьежача. Иштта болх дӀабихьар тӀехьаленна хургдола хьун фу гулдеш, хьу меттаоттае езаш дола доазув белгалдеш. Къаьстта лоархӀаме дар республикан цхьайолча шахьарашка: Магасе, Наьсаре, Илдарха-Гӏалий-тӀа, Шолже, МагӀалбике - доазош баьццардерзадеш дола балхаш дӀахьош хилар.
Меттаоттадара балхаш бахьан долаш, Наьсарерча Ӏама доазув шерде вӀаштӀехьадаьлар. Хьалха 16 хиннача цун шорал хӀанз 20 гектар я. Из хий ший тайпара хилар да, цига 15 тайпа хи тӀа а хин йисте а лелаш дола оалхазараш хилар, царех дукхагӀдараш Россе Цӏеча книжканна юкъедихьад.
«Хий дола моттигаш- гонахьарча Ӏалама лоархӀамегӀа дола дакъа да. Россе Президента тӀадиллача декхарах, регионашка кхоачашъеш я къаман проекташ, тахан лоархӀаме да хий дла моттигаш лораяр», - аьлар ший бувзама оагӀонашка гӀолла ГӏалгӀайчен кулгалхочо Келаматанаькъан Махьмуд-Ӏаьлас.
