Татрий республикан кулгалхо кхаьчав вай мехка
29.05.2025 01:06
Татрий мехка кулгал деш вола Минниханов Рустам кхаьчав вай мехка. Из тӀаэцаш хилар вай мехкада Келаматанаькъан Махьмуд-Ӏаьла, республикан хьалхара президент Овшанаькъан Руслан.
Вай мехкара агропромышленни моттигаш йовзаш хургва из, иштта экономически, Ӏилман-технически, вахара, культуран оагӀонцара бувзам чӀоагӀбеш болх дӀахьоргба.
«ГӀалай Даьхе лоархӀаш я ГӀалгӀайче. ЖӀайрахьа кхален хоза Ӏалам, гӀалаш, вай къаман истори довзийтаргда везача хьашанна», - аьлар вай Мехкадас къамашта юкъера культуран оагӀонаш довзар лоархӀаме долга кхетадеш.
