10 керда спорта доазув хьаделларгда вай мехка
24.02.2025 11:48
Республикерча физически культурахи спортахи йолча министерствон хьалха латтача Белхарой Руслана Россе спорта министерствон кулгалхочун гӀонча волча Гандилян Мгераца хиннача кхетаче белгалдир, вай мехка 2026-ча шера итт спорта моттиг, шиъ воркаута доазош, латарах йола модульни зал хьаелла лерхӀилга.
Гандилян Мгера теркалдир, тӀехьарча шерашка республике дукха спорта моттигаш йоаржаеш латтилга, хӀаьта кхоачашде дезараш а дукха да тахан. Тайп-тайпарча ханага кхаьчача наха спортаца бувзам лелабе аьттув хургбола моттигаш хьаеллара тӀехьа Белхарой Руслана дийцар хьаллаьцар хьакима.
Вай мехкарча цу оагӀонцарча моттигашка хьожаш, тахан хьалъеш латтарий хьал теркалдеш республике гӀолла го баккха лаьрхӀа ва Гандилян Мгер.
