Токмакски кхалера 100 бер ГӀалгӀайче салоӀаш хургда
ГӀалгӀайчено дӀахо а новкъостал лоаттаду ше тӀаийцача Запорожски областа Токмакски кхаленна, дешара шу дика чакхдаккха а иштта салаӀа а таро луш, яхаш, дийцар ГӀалгӀайчен Кулгалхочун, Паччахьалкхен зарбан болх лелабераша.
КӀимарса бутт чакхбаллалца ГӀалгӀайчено тӀаэцаргда хьалхарча даькъа чудоагӀаш дола Токмакски кхален бераш, ондаргаш. 30 бер дӀадохийтаргда «Эрзи» яхача ЖӀайрахьа кхален салоӀача лагере. Укх аьхки цу лагере хургда ювцача моттигера дена 100 бер.
«Тхона лов Токмакски кхален берий салаӀа таро хилар, керда дешара шу дӀадолалуш низ чубенна уж хилар, - аьлар ГӀалгӀайчен Кулгалхочо,- лагере царна хургда дика салоӀама хьалаш, спортивни ловзараш».
ГӀалгӀайчено шийна могар ду, Токмакски кхален берий дешара эшаш мел дар хилийтара. ШоллагӀа шу да республикера канцелярски гӀирсаш, деша кхухьаш дола тӀормигаш царна лоаттаду.
«Карарча шера вай эцаргда, 1-ча классера 4-ча классага кхаччалца, деша дӀагӀача берашта ишколе эшаш дола гӀирсаш, иштта колледже, техникуме дешаш болча студенташта новкъостал лоаттадергда, - аьлар Келаматанаькъан Махьмуд-Ӏаьлас. -Тхона лов, хӀара бера дешара а дегӀадара а цхьатарра таронаш хилийта!»
Керда дешара шу сийрда а дика а хургда, ГӀалгӀайчера новкъостал лоаттадеча Токмакски кхален берий, дика дегӀадахкара йола таронаш а хургья.
