«Центре уж хьабахкаро таро лу царна Россе доазон тӀа балха баха, дӀахо баха, шоашта эша каьхаташ даха. Центре кхаь экзаменах латт цар бе беза болх: эрсий мотт, Россе истори, Россе законаш хар», - аьлар «Сердало» газетага ИнгГу зарбан болх лелабераша.

Центре тӀадаьхка декхараш дика кхоачашдаьча доазол арахьарча наха тешал лу, из дӀадала деза миграционни болх лелаберашка, патент оала каьхат а кхыдола каьхаташ а цхьана хьаэца дагахьа. Цунца хьагойт цар, вай мехкара законаш лораде, юкъара эздел леладе шоаш раьза хилар. ГӀулакх довзараша яхачох, дукхагӀа болча кхыча паччахьалкхенашкарча наха из декхар дика кхоачашду.