ДӀадахача шера, унахцӀенон хьал тохкаш, чакхдаьнна вай мехкара бераш 124 эзарга кхоачаш да.
29.03.2024 01:11
ТӀехьарча шерашка, вай республикера дукхагӀа мел дола бераш, унахцӀено тохкаш, лорашка чакхдувл. 124 эзар берага хьежар лораш дӀадахача шера. Вай мехкара бераш хьаийцача, 96% бераш да чакхдаьннараш» Каст-каста чакхвоалаш хиларо моллагӀа лазар ханнахьа хьагучадоаккх.
Цунга хьежжа, ханнахьа дарба дӀадоладе а, лазар кӀоарга ца далийта а аьттув хул. Иштта дола гӀулакх, тоадеш, дӀадахьа деза вай мехка! БоаггӀача боараме, ший ханнахьа дӀахьош хила беза из болх мехка.
Вайна чӀоагӀа лоархӀаме да, берий унахцӀено лакхача боараме хилар, массахана цар могашала тӀахьожам лоаттабар», - яздир ший телеграм-оагӀон тӀа вай мехкадас Келаматанаькъан Махьмуд-Ӏаьлас.
