Наьсарен кхален йийллача яхье белгалваьлар Яндарера 14 боксёр
27.10.2025 14:13
Яндарерча 14 боксёра толашагӏа йола моттигаш яьхар, Наьсарен кхален йийллача яхье, яхаш, хоам бу из кхетаче кийчъяьраша.
«Дӏадахача салоӏача деношка, котало яккха дагахьа къовсабелар 9-15 шу даьнна боксёраш. «Чемпион» яхача физкультуран-унахцӏенон моттиге ӏомалучар 10 дошо, 4 дото майдилгаш яьхар.
Дикагӏчарна юкъе бар къона боксёраш: Хоаной Салаудин, Долакханаькъан Ислам, Озанаькъан Адам, Тоачанаькъан ӏаьла, Алдагӏананаькъан Рустам, Бузуртанаькъан Мухьаммад, Хаматхананаькъан Амир, Дахкилганаькъан Элберд, Бузуртанаькъан Абубакар, Алдагӏананаькъан ӏаддал.
Шоллагӏа моттигаш яьхар Лаьнанаькъан Берснакъас, Темарханаькъан Сайфутдина, Озанаькъан Мухьаммада, Вешкаранаькъан Мухьаммада» - йоах тхогарча хоамо.
