Республикерча яхье 14 майдилг яьккхар Долакха-Юртарча кикбоксёраша
Йоккхача Ачалкхе дӀайихьача кхетаче 14 майдилг йоаккхаш белгалбаьлар Долакха-Юртара кикбоксёраш. Из хоам «Сердалога» бир юртарча спорта ишколера.
«Укх бетта, 26-ча денгара 28-ча денга кхаччалца, дӀахьош хиннача яхье дакъа лоацаш хиннараш 9-14 шераш даьнна спортсменаш бар. Из кхетаче хетаяьяр Котало яьккха 80 шу дизара денна», - йоах тхога бенача хоамо.
Лакхерча лагӀа тӀа баьннарех ба Балайнаькъан Рахьим, Оздой Малик, Осменаькъан Акрам, Джандаранаькъан Расул, Тоаркхой Мухьмад. Балайнаькъан Рахьмана, Шакренаькъан Сулеймана, Балайнаькъан Ӏийсайна, Джандаранаькъан Мухьмада дото майдилгаш кхаьчар. Шибиланаькъан Мухьаммад, Дахкилганаькъан Малик, ТӀоаршхой Сулейма, Зурабанаькъан Ӏаддал, Далганаькъан Хьамзат борза даьккхарех ба, аьнна, хьакхайкабир.
Спортсменашта хьалхалатта тренераш: Элмарзанаькъан СаӀид, Арсайнаькъан Заьлмаха, Кхоартой Муслим, Далганаькъан Ахьмад.
