Суртий хьисапе кхеллача пхьегӀий гойтам хургба ИГМК, укх бетта 15-ча дийнахьа
13.05.2025 12:40
«Къаман Ӏадаташцара пхьегӀаш» яха суртий хьисапе кхеллача хӀамай гойтам хургба паччахьалкхен музее, маьтсела бетта 15-ча дийнахьа. Из хоам «Сердалога» бир цу моттигера.
Ши сахьат даьлча хьабелларгболча гойтаме дакъа лоацаш хургба уж хӀамаш вӀашагӀъехка говзанчаш. Цига баьхкача бахархой аьттув хургба шоашта хоза хийтта пхьегӀа эца, иштта уж хьаеш къахьийгарашца къамаьл де.
Гойтаме дакъа лаца йиш йолаш ва моллагӀвар.
