ГӀалгӀайчен 16 дешархо вахар, Сочерча физиках йолча Ахкан ишколе
ГӀалгӀайчен ялхайтта дешархо хилар Ахкан ишколе МФТИ-2025 фундаментальни физиках, математиках, яхаш, дийцар «Сердало» газетага «Кванториум» яхача республикан берий технопарке.
«Цхьан кӀира, Московски физико-технически института, «Росатом» Паччахьалкхен корпораце хьал а лоацаш, вӀашагӀъехкаяр берашта хӀама довзарах йола кхетаченаш. «Кванториум» технопарка дешархошта, МФТИ лакха низ болча физика лабораторе кулгалхочо Овшанаькъан ТӀахӀира тӀахьожамца, кхоачашде дезаш дар физиках дола кӀоарга декхараш, Ӏомаде дезар Ӏилма -тохкамашцара математически тӀадуллараш, иштта дӀабахьа безар Гаусса гӀирс вӀашагӀболлара болх», - аьлар технопарке.
Ахкан ишкола хилар бахьан долаш, вай мехкахоша тохкамаш дӀадихьар, иштта царна байзар таханарча заман Ӏилманхой, юххера а цар кийчйир шоай Ӏилман докладаш.
Къаьстта лоархӀаме дар царна «Физбой» яха хьаькъала яхьаш дӀаяхьар, цо Ӏомавора вахаре физиках пайда эца.
