Гӏалгӏайчен 19 атлета дакъа лаьцар, Дерригача дунен къамий латарашка
Гӏалгӏай Республикера 19 атлет, шодсанлат Федераце президента Сукенаькъан Мухьмад-Гире тӏахьожамца, дакъа лоацаш хилар ӏӏ-ча Ерригроссийски къаман единоборства ловзарашка, аьлар «Сердало» газетага Гӏалгӏай Республикан спорта Министерства зарбан болх лелабераша.
«Йоккхий яхьаш вӏашагӏъехкар Чуваше 6000 сага юкъе, 39 паччахьалкхера, иштта Россе 76 моттигера баьхкача спортсменашта. Гӏалгӏайчен атлеташа гойтар шоай профессионализм халкъашта юкъерча турнире Xӏ World Cup Dӏamond кикбоксингах, иштта къаман шодсанлат яхача спорта шин даькъ тӏа дакъа лаьцар – гаьна кхоссарах, кулгашца урсаш леладарах. Республикан сборне чубоагӏаш бар бӏухой 11-60 шерга кхаччалца ха яьннараш. Цу тайпара командо 31 майдилг яьккхар, царех 4-дошо, иштта 6-борза кикбоксинге. Шодсанлат даькъ тӏа хиннача спортсменаша 13 дошо,4 дото, 4 борза майдилгаш яьхар», - аьлар хоамо.
Тхога баьчо яхачох, гӏалгӏай тӏема искусство хьалхара гойташ яр цу лакхача халкъашта юкъерча яхье.
