Республикера ДЦП дола 22 бер, могашал меттаоттаеш, Москве хургда
03.02.2025 20:49
ДегӀа могашал эшаенна дола вай мехкара 22 бер, Москверча дарбанче ха йоаккхаш хургда. «УнахцӀенонга бода никъ» яхача, «ЦаӀ йола Росси» яхача парте, республикан кулгалхоша гӀо деш, РФ Паччахьалкхен Дума депутат волча БӀарахой Бек-хана боаржабаьча боламга гӀолла дӀахьош беркате гӀулакх да из.
Мах боацаш цига баха аьттув хиларал совгӀа, берашта совгӀата елар планшеташ, лергехйоахкаергаш, цар ноаношта 200 эзар сом ахча делар.
«ЛаьрххӀа доал эшаш дола бераш леладеча дезалашта гӀо деш я, «УнахцӀенонга бода никъ» яха тха программа. ДӀабахача бетта 19 бер чакхдаккха аьттув баьннаб тха, 2025-ча шера чакхдаккха лерхӀараш 100 совгӀа бер да», - белгалдир БӀарахой Бек-хана.
